GURANNḒA YA MAFHUNGO NGOHO YO ṊANGWA U DZHENELA PFHUFHO DZA NYAMBONNYI DZA PANSALB KHA KHETHEKANYO YA LUAMBO LWA TSHIVENḒA

https://www.pansalb.org/ve/thambo-ya-u-nanga-vhonkhetheni-2023-pfhufho-dza-nyambonnzhi-dza-pansalb/

THAMBO YA U NANGA VHONKHETHENI– 2023 PFHUFHO DZA NYAMBONNZHI DZA PanSALB

Bodonyangaredzi ya Nyambo ya Afrika Tshipembe i khou ramba miraḓo ya lushaka uri vha nange vhathu kana zwiimiswa vhane vha vha na tshenzhemo kha u alusa, u vhulunga na u tsireledza nyambo nnzhi uri dzi ḓivhee na u dzhenela kha nyaluwo ya nyambonnzhi u mona na shango. Pfhufho dza nyambonnzhi dza ṅwaha wa 2023 dzi khou kumedzwa nga Bodo kha vhathu kana zwiimiswa vhane vho shuma zwihulu kha nyaluwo,tsireledzo na u vhulunga nyambo dzoṱhe dza tshiofisi hu tshi katelwa na nyambo dza Khoi na San.

Vhathu kana zwiimiswa vhane vha ḓo nangwa vha tea u vha vhe na nḓivho yo khetheaho, tshenzhemo na zwidodombedzwa zwa u sumbedza u dzhenela kha u alusa, u vhulunga na u tsireledza nyambonnzhi kha ḽino. Vhathu vhane vha tama u nanga vhathu kana zwiimiswa vha tea u rumela zwi tevhelaho:

Fomo ya u nanga yo ḓadzwaho ine ya vha na madzina nga vhuḓalo na zwidodombedzwa zwa vhukwamani zwa muthu ane vha khou nanga ene na u tikedza uri ndi nga mini vha tshi pfha zwo tea uri hu khethwe ene.

Fomo itea u vha yo sainiwa nga munangiwa a tshi khou sumbedza u tenda u nangiwa.

Zwidodombedzwa zwa u sumbedza u dzhenela kha nyaluwo, u lwela, u tsireledza na u dzhenela kha zwa nyambonnzhi.

Vhafhenyi vha ḓo ḓivhadzwa lwa tshiofisi kha mushumo une wa ḓo farwa nga ḽa 17 Lara 2023 ngei Durban, vunduni ḽa KwaZulu-Natal.

Vho nangwaho vha ḓo pfhufhwa nga kha Khethekanyo dzi tevhelaho: Pfhunzo, Luambo na Maṅwalwa, U lwela nyambo, Nyanḓadzamafhungo, Vhaswa, Muvhuso(tshiimiswa tsha muvhuso), Thekhnoḽodzhi, Vhubindudzi, Muzika, U pindulela na u Ḓologa na pfhufho dza Mudzulaphanḓa wa lini na lini.

Fomo dza u nanga dzi hone kha lubuvhisia lwashu, www.pansalb.org, nahone dzi khou vala nga Ḽavhuṱanu, 08 Khubvumedzi 2023