Vhatswi vha khebulu vho gwevhiwa lu shushaho
Munna o gwevhiwa miṅwaha ya fumi e khothoni nga khothe khulwane ya Musina nga murahu ha musi o wanala mulandu wa u farafara zwifhaṱo, u tswa koporo, ine ya vha na vhushaka na zwifhaṱo zwa ndeme na u dzhena shangoni a songo tendelwa.
Muambeli wa vunḓu ḽa Limpopo kha Mulayo Miuhulwane wa Khaṱhulo (NPA), Mashudu Malabi-Dzhagi, o ri Shepard Munorwa wa miṅwaha ya furaru na khonani yawe (we a fhedza o shavha) vho farwa vha tshi khou tswa khebulu/khevhele dze dza khakhisa tshumelo kha iṅwe ya bulasi ya muthu ene muṋe.
“Musi vha tshi khou sengiswa, vhahwelelwa vho sumbedza uri a vha ḓi vhoni mulandu, u engedza tshigwevho, muhaṱuli wa nga ngomu Vho Jan Krijt vho ṋetshedza uri shango zwa zwino ḽi khou ṱangana na vhuvhava vhuhulwanesa ha khebulu na zwauri muṋe wa bulasi o lozwa tshelede i linghanaho R500 000,00 miṅwahani yo fhiraho zwi tshi ṱumana na u tswiwa ha khebulu na hone vho dovha vha thola khamphani ya Tsireledzo.

“Muhaṱuli vho isa phanḓa na u amba uri hu na zwine zwa nga khelusa tshigwevho tsha fhasisa. [khothe] yo isa phanḓa na u bvisela khagala uri mugwevhiwa ho ngo tea u vha na tshigidi.
“Mulayo muhulwane wa Khaṱhulo u khou ṱanganedza tshigwevho na u fhululedza mushumo mivhuya ya muhaṱuli Jan Krijt na muṱoḓulusi pholisa Singo wa mapholisa a Musina. Ri na fhulufhelo ḽa uri vhane-vha-nga-vha-vhakhakhi vha vhugevhenga vha ḓo guda kha itsho tshigwevho,” Malabi-Dzhangi o amba.
Zwenezwoha nga ngei Kapa Vhubvaḓuvha, Khothe Khulwane ya Motherwell yo gwevha munna miṅwaha ya fumiṱhanu kha vhufarafara na u pwashekanya zwifhaṱo zwa ndeme na u tswa tsimbi dza ndeme na dzi si dza ndeme dzine dza vha tshipiḓa tsha zwifhaṱo zwa ndeme.
U ya nga muambeli muhulwane wa Mulayo Muhulwane wa Khaṱhulo (NPA), Luxolo Tyali, Ayabulela Nkole wa miṅwaha ya 29 o farwa nga murahu ha musi o wanala hehefho he a tswa hone nga mapholisa a Nelson Mandela Bay.

“Mavhone a badani o vha o tsima nga itsho tshifhinga nahone musi mapholisa a tshi swika, Nkole o mbo ḓi thoma u shavha. Mapholisa vho kona u mu fara hune hu sa tou vha kule na he khevhele/khebulu dza vha dzo tswiwa hone, o mbo ḓi iswa he a tswa hone a fhedza o iswa dzhele.
“Nga ḓuvha ḽa tsengo, Nkole o tenda mulandu, fhedzi vhuṱanzi nga muhaṱuli Sicelo Hina, ho dzheniswa na vhaḽa mapholisa a tshikhuwani vhe vha ita uri a farwe, vho mbo ita uri khothe i zwi pfhesese.
Musi a tshi khou ḓivhadza khothe u sumbedza vhuhulu ha tshigwevho, muhaṱuli vho sumbedza uri u tswa khebulu ndi mulandu muhulu nahone wo ḓadzaho shango, une u si khou tou hoṱefhadza matshilo a vhathu fhedzi, une wa khou hoṱefhadza na tshiko tsha tshelede ya shango.
“Mulanguli wa Vhahaṱuli vha Vhathu vha Kapa Vhubvaḓuvha, Barry Madolo, vho ri tshigwevho tshi tea u shuma sa khaidzo kha vhane vha ṱoḓa u vha vhatswi, vhane vha ṱoḓa u banda nga dengetenge heḽi ḽa muḓagasi na u engedza u tambula ha tshitshavha,” Vho Tyali vho amba. SAnews